*© श्रीधर संदेश*
*पूर्वश्रमातील भगिनीपुत्र श्री. दत्तात्रेय कमलापूरकर, हैदराबाद ह्यांना पत्रोत्तर*
कोणी तरी मज मानिता आपण । परशद्धे अनमान करू नये ।।
करू नये सत्य मानीव अनुमान । प्रत्यक्ष दर्शना वांचोनिया ।।
वाचोनिया पत्रा, वाटे ऐसें चित्ता । तुम्ही या नेणता साचपणे ।।
साचपणे जगीं नाहीं या संबंधी । एकत्वें त्रिशुद्धी विश्वों असें ।।
विश्व असे एक नसतां संबंध । भेटीचा विरूध सहजचि ।।
सहजचि एक असता या जगीं। कोणावरी त्रागी नेणतसो ।।
नेणतसो आम्ही पत्राचा संदर्भ | नसे आम्हां लाभ मुमुक्षेसी ।।
मुमुक्षेसी काज नसे आम्हांलागीं । तद्धर्मविभागी आम्ही न हो ।।
आम्ही न हो काही कशाचे साधक । जया आवश्यक शरीर हे ।।
शरीर हे नोहे कदा काळी संत । संता उपमित समया केवि ।।
समया केवि तुम्ही मानिता समर्थ । लोकानुग्रहार्था अवतार ।।
अवतारकार्य नोहे ते त्यापरी । केवि प्रभूसरी यासी शोभे ।।
*श्रीधरस्वामी*
